مولانا عبدالقوی صاحب کی درخوست ضمانت منظور

جمعیتہ علماء مہاراشٹر کے وکلاء کی کامیاب پیروی۔
(پریس ریلیز )مورخہ ؍۱۶؍جون۲۰۱۴ ؁ء :جامعہ اشرف العلوم حیدرآباد کے مہتمیم اور جمعیتہ علماء ہند حیدر آباد اکائی کے نائب صدر حضرت مولانا عبدالقوی صاحب کو ۲۳ ؍مارچ ۲۰۱۴ ؁ ء شام،ساڑھے سات بجے دہلی ایئرپورٹ پر باہر نکلتے ہوئے دہلی پولس اسپیشل سیل اور گجرات اے .ٹی.ایس نے دس سال قبل گجرات کے وزیر اعلیٰ نریندر مودی کو قتل کر نے کی سازش رچنے کے الزام میں گرفتار کر لیا تھا۔احمد آباد پوٹاکورٹ نمبر :۲ میں انہیں پیش کیا گیا ۔کورٹ نے ۱۴ ؍دن کا ریمانڈدیا۔گرفتاری کی خبر ملتے ہی جمعیتہ علماء ہند کے قائدمولانا سید محمود اسعد



مدنی مد ظلہ ،اور جمعیتہ علماء مہاراشٹر کے صدر مولانا حافظ محمد ندیم صدیقی صاحب نے صوبائی و مرکزی سطح کے اعلیٰ ذمہ داران سے رابطہ کر کے مضبوط و مستحکم نمائندگی کی کوششوں میں مصروف ہو گئے اوران کے رہائی کی کوشش جاری تھیں۔
آج ۱۶؍جون ؍۲۰۱۴ ؁ء کو سیشن کورٹ احمد آباد میں درخواست ضمانت ایڈوکیٹ الیاس پٹھان کے ذریعہ ڈاخل کی گئی جسے جج نے بحث کے لئے منظور کر لیا اور اگلی سماعت کے لئے ۱۸؍جون ؍۲۰۱۴ ؁ء کی تاریخ مقرر کی۔ مولانا عبدالقوی صاحب کے اس کیس کی پیروی جمعیتہ علماء مہاراشٹر کے سینئر وکیل ایڈوکیٹ محمود پراچہ ،ایڈوکیٹ تہور خان پٹھان اور ایڈوکیٹ الیا س پٹھان کر رہے ہیں۔